نبويهنڭ شدّتله أمر ايتدكلرى اخوّت، محبّت و تعاونى ياپوب؛ بتون حسّياتڭزله أهلِ دنيادن داها شدّتلى بر صورتده مسلكداشلريڭزله و دينداشلريڭزله إتّفاق ايديڭز.. يعنى، إختلافه دوشمهيڭز.
بويله كوچك مسئلهلر ايچون قيمتدار وقتمى صرف ايتمكدن ايسه، او چوق قيمتلى وقتمى ذكر و فكر گبى قيمتدار شيلره صرف ايدهجگم دييوب چكيلهرك، إتّفاقى ضعيفلشديرمهيڭز. چونكه بو معنوى جهادده كوچك مسئله ظن ايتديگڭز، چوق بيوك اولابيلير. بر نفرڭ، بر ساعتده مهمّ و خصوصى شرائط داخلندهكى نوبتى بر سنه عبادت حكمنه بعضًا گچمهسى گبى؛ بو أهلِ حقّڭ مغلوبيتى زماننده، معنوى مجاهده مسائلنده، كوچك بر مسئلهيه صرف اولونان سنڭ قيمتدار بر گونڭ، او نفرڭ او ساعتى گبى بيڭ درجه قيمت آلابيلير، بر گونڭ بيڭ گون اولابيلير. مادام لِوجه اللّٰهدر؛ او ايشڭ كوچگنه بيوگنه، قيمتلى و قيمتسزلگنه باقيلماز. إخلاص و رضاىِ إلٰهى يولنده ذرّه، ييلديز گبى