خصوصًا بدوى أعراب اولسه؛ قوّتلرينه گووندكلرى ايچون جمعيتلرى ضعيف اولوب هم إحتياطكارلق، هم يوموشاقلق وضعيتنى آلديغندن، بر نوع قادينلق خاصيتى طاقيندقلرى ايچون، مؤنّث فعلنى إقتضا ايتديگندن (قَالَتِ الْاَعْرَابُ) مؤنّث فعليله تعبيرى تام يرندهدر.
أوت أهلِ حق غايت قوّتلى بر نقطۀِ إستناد اولان ايمانِ بِاللّٰهدن گلن توكّل و تسليم ايله، باشقهلره عرضِ إحتياج ايدوب، معاونت و يارديملرينى ايستهمز. ايستهسه ده غايت فداكارانه ياپيشماز. أهلِ دنيا، دنيا ايشلرنده حقيقى نقطۀِ إستنادلرندن غفلت ايتدكلرندن، ضعف و عجزه دوشوب، شدّتلى بر صورتده يارديمجيلره إحتياجنى حسّ ايدر؛ صميمانه، بلكه فداكارانه إتّفاق ايدرلر.
ايشته أهلِ حق، إتّفاقدهكى حق قوّتنى دوشونمدكلرندن و آرامدقلرندن، حقسز و مضر بر