دخى اولسه نتيجه‌سز قالماز. أوت إخلاص ايله كيم نه ايسترسه اللّٰه ويرر. (حاشيه)

امّا أهلِ هدايت و ديانت و أهلِ علم و طريقت، حق و حقيقته إستناد ايتدكلرى ايچون و هر برى بِالذّات طريقِ حقده يالڭز ربّسنى دوشونوب، توفيقنه إعتماد ايده‌رك گيتدكلرندن، معنًا او مسلكدن گلن عزّتلرى وار. ضعف حسّ ايتديگى وقت؛ إنسانلرڭ يرينه ربّسنه مراجعت ايدر، مدد اوندن ايستر. مشربلرڭ إختلافيله، ظاهر مشربنه مخالف اولانه قارشى معاونت إحتياجنى تام حسّ ايتمييور، إتّفاقه إحتياجنى گوره‌مييور. بلكه خودكاملق و أنانيت وارسه، كندينى حقلى و مخالفنى حقسز توهّم ايده‌رك؛ إتّفاق و محبّت يرينه، إختلاف و رقابت اورته‌يه گيرر. إخلاصى قاچيرر، وظيفه‌سى زير و زبر اولور.

___

(حاشيه): أوت، (مَنْ طَلَبَ وَ جَدَّ وَجَدَ) بر دستورِ حقيقتدر. كلّيتى گنيش و گنيشلگى مسلگمزه ده شامل اولابيلير.