ربّانيه‌ده چاليشان خدمه‌لرز. ألبته درت فرددن بيڭ يوز اون بر قوّتِ معنويه‌يى تأمين ايدن سرِّ إخلاصى قزانمق ايله، تساند و إتّحادِ حقيقى‌يه محتاجز و مجبورز. أوت اوچ ألف إتّحاد ايتمزسه، اوچ قيمتى وار. سرِّ عدديت ايله إتّحاد ايتسه، يوز اون بر قيمت آلير. درت كرّه درت آيرى آيرى اولسه، اون آلتى قيمتى وار. أگر سرِّ اخوّت و إتّحادِ مقصد و إتّفاقِ وظيفه ايله توافق ايدوب بر چيزگى اوستنده اوموز اوموزه ويرسه‌لر، او وقت درت بيڭ درت يوز قرق درت قوّتنده و قيمتنده اولديغى گبى.. حقيقى سرِّ إخلاص ايله، اون آلتى فداكار قارداشلرڭ قيمت و قوّتِ معنويه‌سى درت بيڭدن گچديگنه، پك چوق وقوعاتِ تاريخيه شهادت ايدييور.

بو سرّڭ سرّى شودر كه: حقيقى، صميمى بر إتّفاقده هر بر فرد، سائر قارداشلرڭ گوزيله ده باقه‌بيلير و قولاقلريله ده ايشيده‌بيلير. گويا اون حقيقى متّحد آدمڭ هر برى يگرمى گوزله باقييور، اون عقلله دوشونويور، يگرمى