منفعتمز ايچون آخرتمزه چويرر، اويله قبول ايدر. هر نه ايسه...
خستهلق سرّيله خلوصيت قزانان، خصوصًا ضعف و عجزدن و تذلّل و إحتياجدن گلن بر دعا قبوله چوق ياقيندر. خستهلق بويله خالص بر دعانڭ مداريدر. هم ديندار اولان خسته، هم خستهيه باقان مؤمنلر ده بو دعادن إستفاده ايتمليدرلر.
اون سكزنجى دواء: أى شكرى بيراقوب شكوايه گيرن خسته! شكوا، بر حقدن گلير. سنڭ بر حقّڭ ضايع اولمامش كه شكوا ايدييورسڭ. بلكه سنڭ اوستڭده حق اولان چوق شكرلر وار، ياپمادڭ. جنابِ حقّڭ حقّنى ويرمهدن، حقسز بر صورتده حق ايستهيورسڭ گبى شكوا ايدييورسڭ. سن، كندڭدن يوقارى مرتبهلردهكى صحّتلى اولانلره باقوب شكوا ايدهمزسڭ. بلكه سن، كندڭدن