مهمّ بر حساب و ميزانه گيرهجك، صحيفۀِ عمللرى نشر ايديلهجك.
عجبا هيچ قابل ميدر كه: إنسان، خلافت و أمانتله مكرّم اولسون، ربوبيتڭ كلّياتِ شئوننه شاهد اولارق كثرت دائرهلرنده، وحدانيتِ إلٰهيهنڭ دلاّللغنى إعلان ايتمكله، أكثر موجوداتڭ تسبيحات و عبادتلرينه مداخله ايدوب ضابطلك و مشاهدلك درجهسنه چيقسين ده صوڭره قبره گيدوب، راحتله ياتسين و اويانديريلماسين؟ كوچك بيوك هر عمللرندن سؤال ايديلمسين؟ محشره گيدوب محكمۀِ كبرايى گورمهسين؟ خاير و أصلا!..
هم بتون گلهجك زمانده اولان (حاشيه) ممكناته
___
(حاشيه): أوت زمانِ حاضردن، تا إبتداءِ خلقتِ عالمه قدر اولان زمانِ ماضى؛ عمومًا وقوعاتدر. وجوده گلمش هر بر گونى، هر بر سنهسى، هر بر عصرى؛ برر سطردر، برر صحيفهدر، برر