صورتلرينى ألواحِ محفوظه حكمنده اولان (حاشيه) حافظهلرده و بر درلو مثالى آيينهلرده حفظ ايدوب، أكثر تاريخچۀِ حياتنى چكردگنده، نتيجهسنده نقش ايدوب يازييور. ظاهر و باطن آيينهلرده إبقا ايدييور. مثلا: بشرڭ حافظهسى، آغاجڭ ميوهسى، ميوهنڭ چكردگى، چيچگڭ تخمى، قانونِ حفيظيتڭ عظمتِ إحاطهسنى گوسترييور.
گورمييور ميسڭ كه: قوجه بهارڭ هپ چيچكلى، ميوهلى بتون موجوداتى و بونلرڭ كنديلرينه گوره بتون صحائفِ أعمالى و تشكيلاتنڭ قانونلرى و صورتلرينڭ تمثاللرى؛ محدود بر مقدار تخمجقلر ايچلرنده يازهرق، محافظه ايديلييور. ايكنجى بر بهارده، اونلره گوره بر محاسبه ايچنده صحيفۀِ عمللرينى نشر ايدوب، كمالِ إنتظام و حكمت ايله قوجه ديگر بر بهار عالمنى ميدانه گتيرمكله؛ حفيظيتڭ نه درجه قوّتلى إحاطه ايله جريان
___
(حاشيه): يدنجى صورتڭ حاشيهسنه باق.