اون ايكنجى حقيقت: باب الرسالة و التنزيلدر. (بِسْمِ اللّٰهِ الرَّحْمٰنِ الرَّحٖيمِ) ڭ جلوهسيدر.
هيچ ممكن ميدر كه: بتون أنبيا معجزهلرينه إستناد ايدهرك سوزينى تأييد ايتدكلرى و بتون أوليا كشف و كرامتلرينه إستناد ايدوب دعواسنى تصديق ايتدكلرى و بتون أصفيا تحقيقاتنه إستناد ايدهرك حقّانيتنه شهادت ايتدكلرى رسولِ أكرم صلّى ا $ عليه و سلّمڭ تحقّق ايتمش بيڭ معجزاتنڭ قوّتنه إستناد ايدوب بتون قوّتيله، هم قرق وجهله معجزه اولان قرآنِ حكيم بيڭلر آياتِ قطعيهسنه إستناد ايدهرك، بتون قطعيتله آچدقلرى آخرت يولنى و كشاد ايتدكلرى جنّت قپوسنى، سينك قنادى قدر قوّتى بولونميان واهى وهملر، نه حدّى وار كه قپاتهبيلسين!
گچن حقيقتلردن آڭلاشيلدى كه؛ حشر مسئلهسى اويله راسخ بر حقيقتدر كه، كُرۀِ أرضى يرندن قالديرهجق، قيروب آتاجق بر قوّت او حقيقتى