بيلينير. أزلى گونشڭ معنوى هدايت نورلرينى تمثيل ايدن قرآنِ كريم، عقل و قلب گوزيله حق و حقيقتى گورمگى تأمين ايدر. اونڭ نورندن اوزاقده قالانلر ظلمتده قاليرلر. زيرا هر شى نور ايله گورونور، آڭلاشيلير و بيلينير. ايشته شو حقيقتڭ معنوى و سرمدى گونشى اولان قرآنِ كريمڭ نور تجلّيسنه بو عصريمزده نور إسميله مسمّا اولان رسالۀِ نورڭ شخصِ معنويسى مظهر اولمشدر. او نورلر كه؛ ظلمتدن آيريلمق ايستهمه ين يراسه طبيعتلى، غفلت اويقوسيله گوندوزينى گيجه ياپان، سفاهتپرست، عقلى گوزينه اينمش، ظلمتده قالارق گوزى گورمز اولانلره و يولنى شاشيرانلره قارشى پروژكسيون گبى نورلرينى ايمان حقيقتلرينه توجيه ايدهرك صراطِ مستقيمى بوسبتون كور اولميانلره گوسترييور. نور طوپوزينى أهلِ كفر و منكِرلرڭ باشنه ووروب:
يا عقلڭى باشڭدن چيقار آت، حيوان اول. ياخودده عقلڭى باشڭه آل، إنسان اول، دييور. علم بر