دييور كه: «بو رساله‌لرى آڭلايه‌رق و قبول ايده‌رك بر سنه اوقويان، بو زمانڭ حقيقتلى بر عالمى اولابيلير.» أوت، فن بتون خيزيله ايلرله‌مكده‌در. معنوياتده يوكسلمك ده بونڭله موازيدر. مادّى آلانده بر ساعتلك يولڭ بر ثانيه يه اينديريلديگى بر دورى ياشييورز. معنويات ساحه‌سى ايسه داها سرعتلى و داها وسعتليدر. أسكى زمانده ياريم عصرده ألده ايديله‌بيلن علمِ حقيقت، شيمدى قيصه بر زمانده قزانيله‌بيلييور. بلكه ده داها آز بر مدّتده عين ثمره و نتيجه حاصل اولويور. جنابِ حقّڭ رحمت و كرميله بو عصر مسلمانلرينه و إنسانلرينه لطف بيورديغى بو قدر سلامتلى و قولاى ألده ايديله‌بيله‌جك إسلامى بر معارفڭ، ايمانى بر نتيجه‌نڭ موجوديتنى ايشيدن و عقلى باشنده اولان هر إنسان، خصوصًا هر مسلمان بو زنگين ثروته مالك اولمق ايچون نور رساله‌لرينه بيوك بر صداقت و سَوْگى ايله چاليشمقدن ناصل گرى قالابيلير؟