حقيقى مدنيتڭ و يوكسك إچتماعياتڭ، إنسانلق قانونلرينڭ منبعى و أساسى قرآندر. قرآن عموم نوعِ بشره خطاب ايدن بر خطيبِ عموميدر. قرآنِ حكيمڭ حقيقى و برّاق و پارلاق بر تفسيرى اولان رسالۀِ نورده آراديغڭز ايمانى و إسلامى، عقلى و فكرى، قلبى و روحى بر چوق إحتياجلريڭزڭ تطمين ايديلديگنى گوره‌جكسڭز. قفاڭزده‌كى بر قسم إستفهاملرڭ تام إقناع ايديجى بر طرزده جوابلانديريلديغنى، بيوك بر حيرانلق و شكران حسلرى ايچنده مشاهده ايده‌جك و رسالۀِ نورڭ كنديڭزه خطاب ايدن إلٰهى حقيقتلر مجموعه‌سى اولديغنه قانع اولارق صوڭسز بر حضور ايچنده مسعودانه بر حيات ياشامغه باشلايه‌جقسڭز. او نورلرى دفعه‌لرجه و حتّى بر عمر بوينجه اوقومق ذوق و سَوْگيسندن كنديڭزى قورتاره‌ميه‌جقسڭز.
رسالۀِ نور موضوعنى بيوك بر علاقه ايله تعقيب ايدن اويانيق آرقداشلرم !