مثلا: قيمتلى بر أثر اوقورز، مؤلّفنه قارشى ايچمزده آز چوق بر تقدير حسّى بليرر. موليرڭ، هوغونڭ، گوته‌نڭ أثرلرينه بر حيرانلق طويارز. عجبا إسلام ديننڭ رهبرى اولان قرآنِ حكيمى تفسير ايدن بر إسلام داهيسنڭ شخصنه قارشى باغليلغڭ درجه‌سى ناصل اولماليدر؟ او مشهورلردن برينڭ أثرى كاغده يازيليرسه، بديع الزمان سعيد النورسى‌نڭ قرآن تفسيرى اولان نور رساله‌لرينى آلتون صحيفه‌لره نقش ايتمك لازمدر. دينه معارض اولميان مستقيم بر فيلوزوفڭ أثرينى تدقيق ايچون ساعتلرجه چاليشليرسه، ايكى جهانڭ سعادتنى درس ويرن بديع الزمانڭ أثرلرينى اوقومق ايچون اويقولريمزى ترك ايتمك گركدر. أوت دنيوى بر كتابه بش ليرا اودرسه‌ك، رسالۀِ نور گبى دنيا و آخرتده إنسانى مسعود قيلان و أڭ يوكسك بر موقع و شرفه نائل اولان بر تفسيرِ قرآنه يوز ليرا ويررز و ويرييورز. ايجاب ايدرسه اونڭ نشرى اوغرنده ثروتمزى ده فدا ايتمك، إسلام جنگاورلرينڭ طورونلرى اولان بز گنجلره لازم و ألزمدر آرقداشلر !...