آنقره اونورسيتهسنده اوقونان بر
رسالۀِ نورڭ درسيله و عزيز و قيمتلى استادم بديع الزمانڭ همّتيله حاضرلانهبيلن بو قونفرانس، رسالۀِ نور حقّنده طاتلى و ذوقلى بر صحبتدر. رسالۀِ نورڭ قيمت و أهمّيتنى إفاده ايتمك دگلدر؛ بوڭا جسارتم يوقدر. زيرا بن رسالۀِ نورڭ أڭ مبتدى، أڭ عاجز بر طلبهسى يم. ملّتلر ايچنده شهرت قزانمش بر شاه أثرڭ دگرينى آڭلاتمغه كولتورم كفايتسزدر. بو بيوك شرف رسالۀِ نورڭ منوّر، إدراكلى و تقديركار اوقويوجيلرينه مخصوصدر.
بن، رسالۀِ نوره قاووشنجه يه قدر مطبوعاتمزده و كتابلريمزده قرآنِ كريمڭ قيمتنى آڭلاتان تك بر يازى اوقومامشدم. صوڭرهدن آڭلادم كه: قرآنِ كريمى (ياريم