جنابِ حقّڭ محبّتيله آيينۀِ أسماسنى سومش. ألبته دنيا گبى بر محبوب ايستر. او ده، دنيا قدر بر جنّتدر.
سؤال: او قدر بيوك و خالى بر جنّت نه يه يارار؟
الجواب: ناصلكه أگر ممكن اولسه ايدى، خيال سرعتيله زمينڭ أقطارينى و ييلديزلرڭ أكثريسنى گزسه‌ڭ، «بتون عالم بنمدر» دييه‌بيليرسڭ. ملائكه و إنسان و حيوانلرڭ إشتراكلرى، سنڭ او حكمڭى بوزماز. اويله ده: او جنّت دخى طولو اولسه، «او جنّت بنمدر» دييه‌بيليرسڭ. حديثده بعض أهلِ جنّته ويريلن بش يوز سنه‌لك بر جنّت سرّى، يگرمى سكزنجى سوزده و إخلاص لمعه‌سنده بيان ايديلمشدر.
طوقوزنجى إشارت: ايمان و محبّت اللّٰهڭ نتيجه‌سى: أهلِ كشف و تحقيقڭ إتّفاقيله؛ دنيانڭ بيڭ سنه حياتِ مسعودانه‌سى، بر ساعتنه دگمه ين جنّت حياتى و جنّت حياتنڭ دخى بيڭ سنه‌سى، بر ساعت مشاهده‌سنه دگمه ين بر قدسى، منزّه جمال و كمال