الحاصل: دنيايى و اونده‌كى مخلوقاتى معناىِ حرفيله سه‌و، معناىِ إسميله سومه. «نه قدر گوزل ياپيلمش» دى، «نه قدر گوزلدر» ديمه. و قلبڭ باطننه، باشقه محبّتلرڭ گيرمه‌سنه ميدان ويرمه. چونكه باطنِ قلب، آيينۀِ صمددر و اوڭا مخصوصدر. (اَللّٰهُمَّ ارْزُقْنَا حُبَّكَ وَحُبَّ مَا يُقَرِّبُنَا اِلَيْكَ) دى.

ايشته بتون تعداد ايتديگمز محبّتلر، أگر بو صورتله اولسه، هم ألمسز بر لذّت ويرر، هم بر جهتده زوالسز بر وصالدر. هم محبّتِ إلٰهيه يى زياده‌لشديرر. هم مشروع بر محبّتدر. هم عينِ لذّت بر شكردر. هم عينِ محبّت بر فكردر.

مثلا: ناصلكه بر پادشاهِ عالى، (حاشيه) سڭا بر ألمايى إحسان ايتسه، او ألمايه ايكى محبّت و اونده ايكى

___

(حاشيه): بر زمان ايكى عشيرت رئيسى، بر پادشاهڭ حضورينه گيرمشلر، يازيلان عين وضعيتده بولونمشلر.