﴿بِسْمِ اللّٰهِ الرَّحْمٰنِ الرَّحٖيمِ﴾
اون اوچنجى سوزڭ
ايكنجى مقامى
(جاذبه‌دار بر فتنه ايچنده بولونان و داها عقلنى غائب ايتمه ين بعض گنجلرله بر محاوره‌در.)
بر قسم گنجلر طرفندن شيمديكى آلداتيجى و جاذبه‌دار لهويات و هوساتڭ هجوملرى قارشيسنده «آخرتمزى نه صورتله قورتاره‌جغز» دييه، رسالۀِ نوردن مدد ايستديلر. بن ده رسالۀِ نورڭ شخصِ معنويسى نامنه اونلره ديدم كه: قبر وار، هيچ كيمسه إنكار ايده‌مز. هركس ايستر ايسته‌مز اورايه گيره‌جك. و اورايه گيرمك ايچون ده اوچ طرزده اوچ يولدن باشقه يول يوق.