طوتوب طاورانمق گركدر. مادام هر دقيقه‌ده، شيمديكى طرزِ حياتِ إجتماعيه‌ده يوز گناه إنسانه قارشى گلييور؛ ألبته تقوا ايله و نيّتِ إجتناب ايله يوز عملِ صالح ايشلنمش حكمنده‌در. معلومدر كه؛ بر آدمڭ بر گونده خراب ايتديگى بر سرايى، يگرمى آدم يگرمى گونده ياپاماز و بر آدمڭ تخريباتنه قارشى يگرمى آدم چاليشمق لازم گليركن؛ شيمدى بيڭلر تخريباتجى يه مقابل، رسالۀِ نور گبى بر تعميرجينڭ بو درجه مقاومتى و تأثيراتى پك خارقه‌در. أگر بو ايكى متقابل قوّتلر بر سويه‌ده اولسيدى، اونڭ تعميرنده معجزه‌وارى موفّقيت و فتوحات گوروله‌جكدى.
أزجمله: حياتِ إجتماعيه يى إداره ايدن أڭ مهمّ أساس اولان حرمت و مرحمت غايت صارصيلمش. بعض يرلرده غايت أليم و بيچاره إختيارلر و پدر و والده‌لر حقّنده دهشتلى نتيجه‌لر ويرييور. جنابِ حقّه شكر كه؛ رسالۀِ نور بو مدهش تخريباته قارشى، گيرديگى يرلرده