(أحمدلرڭ مكتوبنده بيسمارقڭ بياناتى)
عزّتلى استاديمز أفنديمز !
مشهور آلمان حكمدارلرندن پرنس بيسمارقڭ أديانِ مختلفه و بِالخاصّه إسلاميت حقّنده صرف ايتمش اولديغى سوزلرينى سز استاديمز أفنديمزه عرض ايدييورز. غربده إسلاميتڭ نه قدر ايلرى گيده‌جگنى بو سوزلر گوسترمكده‌در.
أعظمى مشاهدۀِ إجتماعيه‌مدن و بِالخاصّه اون طوقوزنجى عصرڭ متفرّقه‌لريله متوفّى پرنس بيسمارقڭ أديانِ مفسوخه حقّنده‌كى بياناتى:
«أدوارِ مختلفه‌ده بشريتى إداره ايتمك ايچون طرفِ لاهوتيدن وُرود ايتديگى إدّعا اولونان بتون كتبِ منزلۀِ سماويه يى تدقيق ايتدم. تحريف ايديلمه‌لرندن هيچ بريسنده آراديغم حكمتى بولامدم. بو قانونلر، بشريتڭ سعادتنى تأمين ايده‌جك ماهيتدن پك اوزاقدر. لٰكن، محمّديلرڭ قرآنى بو قيددن آزاده‌در. بن قرآنى هر جهتله،