ايچندهكى ترياق و معجون و پانزهرلرى گوسترن بر ليستهسنى ألده ايدهجكلر. ايشته بو چوق قيمتدار فهرستهنڭ گورديگى وظيفهلردن بريسى ده بودر.
اون برنجى شعاع
دڭزلى حپسخانهسنڭ بر ميوهسى و بر خاطرهسى و او حپسڭ بش گوننڭ محصولى اولان بو رساله اون بر مسئلهيى إحتوا ايدوب، بو پارلاق مسئلهلر ايمانى ضلالت قراڭلقلرندن قورتاروب أخلاقى تام دوزلتمكده و هر بر مسئله بر كتابڭ حقيقتلرينى تضمّن ايتمكدهدر.
برنجى مسئلهسى:
محبوسلره غايت بيوك بر تسلّى ويروب، فرض نمازلرينى قيلمقله و ديگر گناهلردن توبه ايتمكله او حپس حپسه سببيت ويرن خطالره بر كفّارت اولوب او خطالرى عفو ايتديرمهسى و حپسڭ حكمتى اولان تربيهيى آلماسى و حپسلرڭ حپسخانهده گچن بتون ساعتلرينڭ عبادت حكمنه گچمهسى حقيقتنى بيلديرمكله تام تسلّى ويرر.
ايكنجى مسئلهسى:
بو دنيانڭ فانى اولديغنى و بتون ذىحياتڭ قافله قافله آرقهسنده قبره سوق ايديلدكلرينى و بو سوقياتڭ يا إعدامِ أبدى وياخود سعادت عالمنه گيدن بر ترخيص تذكرهسى اولديغنى غايت پارلاق مثاللرله مدرسۀِ يوسفيهدهكى محبوسلره إثبات ايتديگى گبى، بتون عالمِ إسلامه ده إعلان ايدوب إثبات ايتمشدر.
اوچنجى مسئلهسى:
استاديمز أسكيشهر حپسى مدرسۀِ يوسفيهسنڭ پنجرهسندن بر جمهوريت بايرامنده اوطوروب باقاركن قارشيسندهكى ليسه مكتبنڭ قيزلرينڭ گولهرك رقص ايتدكلرينى گورمش. او زمان معنوى بر سينهما