مسافرخانۀِ تربيه حكمندهدر. و اويله اولديغنه بر حدسِ صادقله حكم ايديلهبيلير.
الحاصل: برنجى سوزده دينلديگى و إثبات ايديلديگى گبى؛ هر شى «بسم اللّٰه» دير. ايشته بتون موجودات گبى هر بر ذرّه و ذرّاتڭ هر بر طائفهسى و مخصوص هر بر جماعتى، لسانِ حال ايله «بسم اللّٰه» دير، حركت ايدر.
أوت، گچمش اوچ نقطه سرّيله؛ هر بر ذرّه، مبدأِ حركتنده لسانِ حال ايله (بِسْمِ اللّٰهِ الرَّحْمٰنِ الرَّحٖيمِ) دير. يعنى: «بن، اللّٰهڭ ناميله، حسابيله، إسميله، إذنيله، قوّتيله حركت ايدييورم.» صوڭره نتيجۀِ حركتنده، هر بر مصنوع گبى هر بر ذرّه، هر بر طائفهسى، لسانِ حال ايله (اَلْحَمْدُ لِلّٰهِ رَبِّ الْعَالَمٖينَ) دير كه، بر قصيدۀِ مدحيه حكمنده اولان صنعتلى بر مخلوقڭ نقشنده، قدرتڭ كوچك بر قلم اوجى حكمنده كندينى