آلقيشلامش؛ ظالملرى تشجيع ايتمشدر و جبّارلرى، الوهيت دعواسنه سَوق ايتمشدر. هم مصنوعده‌كى گوزللگى و نقشده‌كى حسنى، مصنوعه و نقشه مال ايدوب، صانع و نقّاشڭ مجرّد و مقدّس جمالنڭ جلوه‌سنه نسبت ايتميه‌رك، «نه گوزل ياپيلمش» يرينه «نه گوزلدر» دير. پرستشه لايق بر صنم حكمنه گتيرر. هم هركسه صاتيلان مزخرف، خودفروش، گوستريجى، رياكار بر حسنى إستحسان ايتديگى ايچون رياكارلرى آلقيشلامش، صنم‌مثاللرى كندى عابدلرينه عابده (حاشيه) ياپمشدر. او شجره‌نڭ قوّۀِ غضبيه دالنده، بيچاره بشرڭ باشنده كوچك بيوك نمرودلر، فرعونلر،
___
(حاشيه): يعنى او صنم‌مثاللر پرستشكارلرينڭ هوساتلرينه خوش گورونمك و توجّهلرينى قزانمق ايچون رياكارانه گوستريش ايله عبادت گبى بر وضعيت گوسترييورلر.