ايكنجى وجه ايسه: فلسفه طوتمشدر. فلسفه ايسه، أنايه معناىِ إسميله باقمش. يعنى كندى كندينه دلالت ايدر، دير. معناسى كندندهدر، كندى حسابنه چاليشير، حكم ايدر. وجودى أصلى، ذاتى اولديغنى تلقّى ايدر. يعنى ذاتنده بِالذّات بر وجودى واردر، دير. بر حقِّ حياتى وار، دائرۀِ تصرّفنده حقيقى مالكدر، زعم ايدر. اونى بر حقيقتِ ثابته ظن ايدر. وظيفهسنى، حبِّ ذاتندن نشئت ايدن بر تكمّلِ ذاتى اولديغنى بيلير و هكذا.. چوق أساساتِ فاسده يه مسلكلرينى بنا ايتمشلر.
او أساسات، نه قدر أساسسز و چوروك اولديغنى سائر رسالهلرمده و بِالخاصّه سوزلرده خصوصًا اون ايكنجى و يگرمى بشنجى سوزلرده قطعى إثبات ايتمشز. حتّى سلسلۀِ فلسفهنڭ أڭ مكمّل فردلرى و او سلسلهنڭ داهيلرى اولان أفلاطون و آرسطو، ابن سينا و