هم بنم شخصمڭ، هم رسالۀِ نورڭ شخصِ معنويسنڭ سرمايهسنى، كنديلرينى رسالۀِ نورڭ خدمتنه وقف ايدنلرڭ تعيينلرينه ويرمك، خصوصًا نفقهسنى چيقاراميانلره ويرمك لازمدر.
شيمدىيه قدر بر قاچ سنهدر تعييناتلرى ويريلن نور طلبهلرى، خاصلره معلوم اولمش. بن ده يانمده شيمدى بولونان قارداشلريمى كنديمه وارث و بنم وظيفهمى ياپمغه چاليشمق لازم. تساندى ده تام محافظه ايتسينلر.
أوت، بو وصيتنامهيى تصديق ايدييورم.
سعيد النورسى
وصيتنامهنڭ حاشيهسيدراستاديمز آخر عمرنده إنسانلرڭ صحبتندن منع ايديلديگى جهتله آڭلادى كه، بو زمانده شخصيت جهتيله إنسانلره ضرر ويرهجك حاللر وار. رسالۀِ نورڭ مسلگندهكى أعظمى إخلاص ايچون بو خستهلق ويريلمش. چونكه بو زمانده، شان شرف پردهسى آلتنده رياكارلق ير آلديغندن أعظمى إخلاص ايله بتون بتون أنانيتى ترك لازمدر. دوستلر اوزاقدن روحمه فاتحه اوقوسونلر، معنوى دعا و زيارت ايتسينلر. قبريمڭ ياننه گلمهسينلر. فاتحه اوزاقدن ده اولسه روحمه گلير. رسالۀِ نوردهكى أعظمى إخلاص ايله بتون بتون تركِ أنانيت ايچون بوڭا بر معنوى سبب حسّ ايدييورم. كندينى رسالۀِ نوره وقف ايتمش اولان يانمده بولونانلردن نوبتله برر آدم قبريمڭ ياقيننده اولوب، بو معنايى لزومسز زيارته گلنلره بيلديرسينلر.
سعيد النورسى
* * *