(حاشيه): استاديمزدن صوردق: نهدن رسالۀِ نورڭ شعشعهلى إنتشارى و دشمنلرڭ دخى مغلوب اولوب دوستانه وضعيت آلدقلرى بر زمانده إنسانلرله گوروشمييورسڭز؟
جوابًا ديدى كه: «بنم ايله گوروشمك ايستهينلر، يا معارضدر ويا دوستدر. دوست اولسه، رسالۀِ نورڭ يوز بيڭلر نسخهسى بنم بدلمه تام قونوشويور. بڭا قطعيًا إحتياج بيراقمامش. گوروشمك ايستهين معارض اولسه، بو اوتوز سنه ظرفنده پك چوق محكمهلر و أهلِ وقوفلر تدقيق ايتدكلرى حالده، نه نور رسالهلرنده و نه ده نور طلبهلرنده هيچ بر صوچ بولامامشلر. يگرمى درت محكمه «رسالۀِ نورده صوچ بولامييورز» ديدكلرى؛ درت محكمه ده قطعيًا عموم نور رسالهلرينه برائت ويرهرك قضيۀِ محكمه حالنه گلن قرارلريله بتون كتابلرى، مكتوبلرى صاحبلرينه إعاده ايتمهسى، بنم بدلمه معارضلره تام جواب ويرييور. بڭا إحتياج قالمامش. أگر شخصى گوروشمك ايستهنيلسه، بتون نور طلبهلرى بر جهتده بو بيچاره سعيدڭ دعوا وكيللرى اولديغى گبى، إستانبولده و آنقرهده آووقاتلرى بولونديغندن، ايستهينلر اونلرله گوروشهبيلير.»
شدّتلى خستهلغى و چوق إختيارلغى ايچون ضرورى ايشلرينى گورن خدمتكارلرى
* * *