إلتباسه محل ويرميهجك قدر آچيقدر. ياپيلاجق تفسيرلرده، ايلرى سورولهجك مطالعهلرده بو آچيق متنه صادق قالمق أساسدر. هيچ كيمسه بنم سويلهديگم سوزلرى تحريف حقّنه صاحب اولماديغى گبى، هيچ بر زمان عقلمدن گچمهين مقصدى و نيّتلرى بڭا عطف ايتمگه، كيمسهنڭ حقّى اولمامق لازم گلير.»
(حاشيه): باش وكيلڭ قونيهدهكى أهمّيتلى نطقى ايچون عموم نور طلبهلرى و مكتبلى معصوم چوجقلر نامنه بر تبريك يازاجقدم. شيمدى قلبمه گلدى: رسالۀِ نورڭ سربستيتنه دائر مدافعاتلريمزڭ و أهمّيتلى بر آووقاتمزڭ أهلِ وقوفه جوابنڭ آرقهسنده او نطقى، رسالۀِ نورڭ سربستيتنه دائر بر سبب و سند گوسترمكله آناطوليدهكى مسلمانلرى و نورڭ بتون طلبهلرينى اوڭا بر معنوى قوّت و دعاجى ياپمق، أذانِ محمّدينڭ إعلانى اونلره ناصل بر معنوى قوّت حكمنه گچدى؛ بو نطقله رسالۀِ نورڭ سربستيتى دخى، اوڭا بر معنوى قوّت حكمنه گچمهسى ايچون اوڭا تبريك يرينه، دعوا وكيلمزڭ حقلى مدافعهسنده بر حاشيه ياپدق. (*)
رهبرڭ مصادرهسنه بهانهلرى ردّ ايدن آووقات مهرينڭ مدافعاتى گبى، قونيهده باش وكيلڭ بو نطقى ده او بهانهلرى ردّ ايدن بر حقيقتدر.
* * *
___
(*): بو مدافعه، أشرف أديبڭ نشر ايتديگى كوچك تاريخچۀِ حياتدهدر.