﴿بِاسْمِهٖ سُبْحَانَهُ﴾
عزيز، صدّيق قارداشلرم!
أجل معيّن اولماديغى ايچون بنم شدّتلى خستهلغم هر وقت گلهبيلير دييه، أوّلجه يازديغم وصيتنامهلريمى تأييدًا بو وصيتنامه ده شدّتلى، داخلى بر خستهلغمدن إخطار ايديلدى. بن ده بيان ايدييورم كه: بنم وفاتمدن صوڭره، بنم أمانةً أليمده بولونان رسالۀِ نور سرمايهسى هم معجزاتلى قرآنمزى طبع ايتديرمك ايچون أسكيشهرده محافظه ايديلن سرمايه، او قرآنڭ توافقله و فوطوغرافله طبعنه عائد (*). يانمزدهكى سرمايه ايسه، رسالۀِ نورڭ سرمايهسيدر. او سرمايه جنابِ أرحم الرّاحمينه حدسز شكر اولسون كه؛ يتمش كسور سنه أوّل او زمانڭ عادتنه مخالف اولارق كندم فقيرلگمله برابر اونلرڭ تعيينلرينى ويرديگمه بر إحسان و لطفِ ربّانى اولارق او زماندن أللى آلتمش سنه صوڭره جنابِ أرحم الراحمين او عُرفى عادته مخالف قاعدهمى معنوى و گنيش مدرسة الزهرانڭ خالص و نفقهسنى تأمين ايدهمهين و زماننى رسالۀِ نوره صرف ايدن طلبهلرينه عينًا و أسكى زمان إحسانِ إلٰهى نتيجهسى اولارق شيمدى يانمزدهكى سرمايه اونلرڭ تعيينلريدر و تعيينلرينه صرف ايديلهجك و قاچ سنهدر بنم ياپديغم گبى بنم معنوى أولادلرم، بنم ورثهلرم عينًا اويله ياپمق وصيت ايدييورم.
إن شاء اللّٰه تام رسالۀِ نور إنتشاره باشلاسه؛ او سرمايه شيمديكى فداكار، كندينى رسالۀِ نوره وقف ايدن شاكردلردن چوق زياده فداكار طلبهلره كافى گلهجك و معنوى مدرسة الزهرا و مدرسۀِ نوريه چوق يرلرده آچيلاجق. بنم بدلمه بو
___
(*): اون بيڭ ليرادر.