دهشتلى سملى خستهلقدن قورتولسهم، گلهجك قيشده اورفهيه گيتمگى جدًّا آرزو ايدييورم.»
استاديمزڭ سوزى بيتدى. بز ده تكرار سلام و عرضِ حرمت ايدرز.
رسالۀِ نور خدمتنده بولونان قارداشڭز
ضيا و محمد
بتون اورفه خلقنه، چولوق و چوجغنه و مزارده ياتانلرينه هر صباح دعا ايدييورم. و بتون اورفهليلره سلام ايدييورم. اورفه طاشيله، طوپراغيله مباركدر. بن چوق خستهيم. اونلر ده بڭا دعا ايتسينلر.
اَلْبَاقِى هُوَ الْبَاقِى
سعيد النورسى
* * *
﴿بِاسْمِهٖ سُبْحَانَهُ ۞ وَاِنْ مِنْ شَىْءٍ اِلَّا يُسَبِّحُ بِحَمْدِهٖ﴾
﴿اَلسَّلَامُ عَلَيْكُمْ وَرَحْمَةُ اللّٰهِ وَبَرَكَاتُهُ اَبَدًا دَائِمًا﴾
عزيز، صدّيق قارداشلرم!
عالمِ إسلامده ليلۀِ قدر تلقّى ايديلن بو رمضانِ شريفڭ يگرمى يدنجى گيجهسنده بر نوع تسمّم ايله شدّتلى بر معده خستهلغى ايچنده سيڭيرلريمى و وجدان و قلبمى إستيلا ايدر گبى بر ديگر دهشتلى خستهلق حسّ ايتدم. بو مادّى و