جلوهسيدر. إشارتدر كه، بو خدمتڭز؛ هم رضاىِ إلٰهىيه، هم رضاىِ پيغمبرىيه (عصم) موافقدر. معجزاتِ قرآنيهيى، معجزاتِ أحمديه واسطهسيله اُمّتِ محمّديهيه (عصم) تبليغ ايتمك معناسيله سنڭ رؤياڭ تعبير ايديلير.
ناصل بر كوچوجك جام پارچهسنده گونشڭ بر تمثالى، ضياسيله او ألندهكى جامى طوتانله مناسبتدار اولور؛ بر نوع مخابره ايدر. اويله ده خصوصى بر تجلّى ايله، رؤيالرده (سلفِ صالحينده بو چشيد رؤيالر گورولمش) مقبوليت و رضا علامتيدر. حضرتِ پيغمبرڭ (عصم) ياننده گورديگڭ آدم ده، نور و رسالۀِ نور شاكردلرينڭ شخصِ معنويسيدر.
* * *
وظيفهمز، إخلاص ايله و ثبات و تساندله و ممكن اولديغى قدر إحتياط ايله «سرًّا تَنَوَّرَتْ» إرشادِ عَلوىيى فعلاً تصديق ايتمك، اوڭا گوره حركت ايتمكدر. يوقسه، معارضلره مقابله ايتمك و اونلرڭ هجومندن تلاش ايتمك دگل. موفّقيت و فتوحاتِ نوريه و رواج ايله إنتشارى ايسه، وظيفۀِ إلٰهيهدر. وظيفهمزى ياپوب، وظيفۀِ إلٰهيهيه قاريشمهمق گركدر دييه هم بڭا، هم سزڭ بدلڭزه تسلّى بولدم.
......
او بش أحمددن صفرانبوليده حسن فيضىنڭ تام يرينه گچن تام وارثى صفرانبولىلى أحمد فؤادڭ، غايت صميمى و فداكارانه مكتوبنده، بنم بدلمه، عينًا حسن فيضى، حافظ على گبى؛ باقى قالان حياتنى بڭا ويروب، بندن أوّل برزخه گيتمك ايچون دعا ايدييور. حالبوكه شيمدى نورلره اونڭ حياتى داها زياده فائدهليدر. بڭا نسبةً گنج، فعّال بر قارداشم، بندن صوڭره، قارداشلرم گبى وظيفۀِ