عزيز، صدّيق قارداشلرم و وارثلرم!
أجل گيزلى اولماسندن، وصيتنامه يازمق سنّتدر. بنم متروكاتم و رسالۀِ نوردن اولان بنم خصوصى كتابلرم و گوزل جلدلنمش مجموعهلرم وسائر شيلريمڭ بتوننى، گُل و نور فابريقهلرينڭ هيئتنه، باشده خسرو و طاهرى اولارق او هيئتدن اون ايكى (*) قهرمان قارداشلريمه وصيت ايدييورم. اونلره بيراقييورم كه؛ أمرِ حق اولان أجلم گلديگى زمان، بنم آرقهمده او متروكاتم، بنم بدلمه او صادق و مبارك أللرده خدمتِ نوريه و ايمانيهده چاليشسين و إستعمال ايديلسين.
قارداشلرم! بو وصيتدن تلاش ايتمهيڭز. بن، تأثّراتدن و طوقوز دفعه زهرلنمكدن، پك چوق ضعيف اولمقله برابر؛ گيزلى منافقلرڭ دسيسهلرله متعدّد سوءِ قصدلرى ايچون بو وصيتى يازدم. مراق ايتمهيڭز، عنايتِ ربّانيه و حفظِ إلٰهى دوام ايدييور.
اَلْبَاقِى هُوَ الْبَاقِى
قارداشڭز
سعيد النورسى
___
(*): قارداشم عبد المجيد، زبير، مصطفى صونغور، جيلان، محمد قايا، حسنى، بايرام، رشدى، عبد اللّٰه، أحمد آىتيمور، عاطف، تيللولى سعيد، مصطفى، مصطفى، سيّد صالح.