دڭزلى قهرمانلرى، يگرمى سنه قدر رسالۀِ نوره خدمت ايتدكلرندن، بز رسالۀِ نور شاكردلرى أبده قدر اونلرڭ بو اييلكلرينى اونوتمايز و دڭزلى، نظريمزده ايكنجى بر إسپارطه حكمنه گچديگى گبى، حپسخانهسنى دخى بر مدرسۀِ نوريه معناسنده بيلييورز.
فيضىنڭ مكتوبنده إسملرى بولونان و بِالخاصّه حاكمِ عادل ايله برابر حقيقى عدالته چاليشانلر (M.H.A) و آووقات ضيا گبى بتون او ذاتلر، دگل يالڭز بزى، بلكه آناطولىيى و عالمِ إسلامى معنًا منّتدار أيلهمشلر. اونلر، بزم گبى رسالۀِ نوره صاحبدرلر. أگر لزوم اولسه، أليمه تسليم ايديلن بر قسم مجموعهلرى ده اونلره أمانةً اوقوتمق ايچون گوندرهجگم. اوراده قالان كتابلر، لزومى وارسه، معطّل قالمامق شرطيله قالابيليرلر. بيوك مجموعه ألنده بولونان (SVK) معطّل بيراقمهمق و اوقوتمق و ممكن ايسه حپسخانهيى تشريك ايتمك شرطيله اونڭ ألنده قالسين. داها ايسترسه، داها باشقهلرى ده اوڭا و اورايه گوندرهيم.
بن دڭزلى گبى، آز بر زمانده، بزه و رسالۀِ نوره متين قهرمان صاحبلرى و قارداشلرى ويرديگى ايچون، أليمدن گلسه، كمالِ سُرور و سَوينجله اونلرڭ مبارك حپسخانهسنده بقيۀِ عمريمى گچيرمك ايستهيورم. بزمله چوق علاقهدار و حپسخانهده گوروشديگمز ويا بڭا خدمت ايدن بگلربگلى سليمان و طواسلى محمد چاوش گبى نه قدر دوستلر وارسه، هپسنه چوق سلام ايدييورم و هر وقت معنوى قزانجلريمزه و دعالريمزه داخلدرلر. و فيضىنڭ مكتوبنده إسملرى بولونان ذاتلره بِالخاصّه برر برر سلام و عمومنڭ رمضانلرينى و ليلۀِ قدرلرينى روح و جانمزله تبريك ايدييورز.
ميلاسلى خليل إبراهيم، حقيقةً رسالۀِ نورڭ دمير گبى متين و صارصيلماز بر شاكرديدر. او قصبه اونڭله إفتخار ايتملى. هم او ذاتڭ، هم حسن فيضىنڭ