يگرمى يدنجى مكتوبڭ اوچنجى قسمى و اوچنجى ذيلڭ نهايتيدر
(ايكنجى صبرى و ايكنجى خسرو و برنجى علىنڭ فقرهسيدر)
أى يوجه استاد!
جنابِ أرحم الرّاحمينه چوق شكرلر كه، سزه، او معظّم كتابِ مبينڭ خزينۀِ حقائقنڭ مفتاحنى، رحمتيله إحسان بيورمش. او حقائقِ عظيمه كه، بتون دنيا خلقنڭ أشدِّ إحتياج و عطش ايله، صبرسزلقله، متردّد، متحيّر، «عجبا بر آبِ حيات بولاجق مىيز؟» دييه بر حالتده ايكن، او محفوظ و مستور زمزمۀِ عظيمهنڭ موصلقلرينى آچارق، هر مشرب أهلنڭ مراجعتلرنده ايچيريلمهمك قابل اولميان بر طرزده، جزئى كلّى حتّى پك عامى اولانلر بيله بر طامله ايله حرارتنى كسديرهجك درجهده وظيفۀِ عاليهڭزده منتشر، تكلّفسز، تصنّعسز، چوق جهتلرله قناعتِ كامله ايله شاهد اولابيلديگمز بو وظيفه ايله موظّف و آنجق علمِ بىنهايهدن لمعان ايدن، عرشِ خدايه نظر ايله عالمه رحمته وسيله اولديغڭز هنگامده نه دييهبيلمك ممكن و نه جسارت!
هم بتون ممكناتله علاقهدار، او محيط و أخصِّ خواصّڭ بيله تام فائق درجهسنده مصّ ايدهبيلمهسى بنجه بعيد دييهبيلهجگم سراسر نور اولان أثرلره، فقير