ايدهرك نورلرڭ خطِّ قرآنله يازيلوب چوغالماسى، نشرى و إنكشافى و أسكى يازى بيلمهين گنجلرڭ إستفادهسى ايچون ده، رسالۀِ نور كلّياتندن بعض بحثلرڭ داقتيلو ايله چوغالتيلماسى خصوصنده شديد علاقه گوسترمش و رسالۀِ نورڭ ماهيتى، قيمتى، درعهده ايتديگى قدسى وظيفۀِ ايمانيهسى و مظهريتى؛ هم طلبهلرينڭ طرزِ خدمتلرى، متجاوز دينسزلر قارشيسنده ثبات و متانتلرى و أهلِ إسلامڭ بربرى ايله معاملاتنده تعقيب ايدهجكلرى إخلاصلى حركتلرى گبى، داخلى و خارجى بر چوق مسئلهلره تماس ايتمشدر. بو إعتبارله قسطمونى لاحقه مكتوبلرى بِالخاصّه يازيلديغى زمان إعتباريله ده بيوك أهمّيت كسب ايدن بر دورڭ محصولى اولماسى و بر چوق إجتماعى مسئلهلرى و كلّى ايمانى بر نظرِ حقيقتله مطالعه، ملاحظه و كلّيلشمهسى گبى جهتلرده بيوك قيمتى حائزدر.
أميرطاغ لاحقه مكتوبلرى، برنجى قسمى:
١٥ حزيران ١٩٤٤ ده دڭزلى حپسندن برائت ايله تخليهدن صوڭره هيئتِ وكيله قراريله أميرطاغنده إقامته مأمور ايديلن رسالۀِ نور مؤلّفى سعيد النورسى حضرتلرى ١٩٤٧ صوڭلرينه قدر، يعنى اوچنجى بيوك حپس اولان آفيون حپسنه قدر أميرطاغنده إقامت ايتديگى مدّتجه إسپارطه، قسطمونى، إستانبول، آنقره و اونورسيته طلبهلرى و آناطوليده نورلرڭ نشره باشلانديغى يرلردهكى طلبهلرينه خدمته متعلّق بعض مكتوب و سؤاللرينه جوابًا يازديغى مكتوبلردر.
ايكنجى قسم ايسه:
١٩٤٨-١٩٤٩ آفيون جزا أونده يگرمى آى موقوفًا قالوب تخليهدن صوڭره تكرار أميرطاغنه عودت ايدوب اوراده بر مدّت قالدقدن صوڭره ١٩٥١ ييلنده أسكيشهرده ايكى آى إقامتى متعاقب، اورادن ده «گنجلك رهبرى» محكمهسى مناسبتيله ايكى دفعه إستانبوله گلوب اوچر آى إستانبولده