(رسالۀِ نور شاكردلرندن قلهاوڭلى حاجى عثمانڭ بر فقرهسيدر)
محترم استادم!
رسالۀِ نورى بر قاچ سنهدن بَرى ديڭلهيوب، بيڭده بر آلمش اولديغم معنوى يارهلريمه بر علاج وظيفهسى گورييوردى. فقط خستهلره عائد يگرمى بشنجى لمعه و إختيارلره عائد يگرمى آلتنجى لمعهيى مصطفى و آرقداشلرمله برابر اوقويوب كمالِ شوق ايله ديڭلهدم. باقييورم كه وجودمدهكى يارهلره گوزل تأثير ايدييور، آرقداشلريمه ديدم: مادام رسالۀِ نورڭ تأثيرى بو قدر قوّتليدر، بن يازمغه قرار ويردم؛ فقط هيچ اوقويوب يازمام يوق كه، بويله قيمتدار رسالۀِ نوره يارديم ايدهيم. مادام قلمم يوق، بنى خدمتجى و پوستهجى اولارق تعيين ايديڭز، دييه متأثّرانه سويلهدم.
او گيجه رؤيامده، كنديمى ئولمش و ييقانمش اولارق قبره بيراقديلر. حشر زمانى گلوب قبردن كفن ايله باشم آچيق، آياقلرم يالين اولارق قالقدم. قورقهرق مملكتمزه گليركن، بيوك بر كوپرىيه يولم اوغرادى. كوپرينڭ ايكى طرفنده ايكى نوبتجى واردى. برندن گچوب، ديگرى همان بنى ياقالادى، عجبا نرهيه گوتورهجك دييه، بتون وجودم تيترهيوردى. برآز گيتدكدن صوڭره كوپرى بيتمهدن استاديمه بنى تسليم ايتدى. استادم بنى ييقايوب بيراقدى.
صوڭره عسكر اولارق بر جامعه بتون أهالى طوپلاندى. بر عسكر گلدى بڭا ديدى: سنى بيوك بر قوماندانه خدمتجى تعيين ايتديلر، گيدهجكسڭ. بن ديدم: بنم گبى سفلى بر نفر، ناصل او مشيرڭ ياننده خدمتجيلك ايدر. إعتراض ايتدم. ينه تكرار ايتدى، گيدهجكسڭ. بن قورقهرق گيتدم، باقدم كه، اوراده استاديمى