توجّه ايتمك أولادر. هم جهاتِ ستّه ايله مقيّد اولميان روح قولاغيله ديڭله‌ين آدم قبله‌يه قارشى توجّه ايتسه و جسمانى قولاغيله ديڭله‌ين آدم، اوقويانه قارشى توجّه ايتسه أولادر.

ايكنجى سؤالڭز:

جماعتڭ إشتياقنه و اوقويانڭ نيّتنه گوره أفضليت تحوّل ايدر (حاشيه).

اوچنجى سؤالڭز:

اوچ إخلاص بر فاتحه مختصر بر ختم حكمنده اولديغندن، اوڭا وقت تحديد ايديلمز. هر وقتده غايت مستحسندر.

دردنجى سؤالڭز:

(اَللّٰهُمَّ اَنْتَ السَّلَامُ وَمِنْكَ السَّلَامُ تَبَارَكْتَ يَا ذَا الْجَلَالِ وَالْاِكْرَامِ)

كلامنى دگل يالڭز مؤذّن، هر بر مصلّى هر بر نمازڭ سلامندن صوڭره سويله‌مسى شافعيجه سنّتدر. حنفيجه دخى مؤذّن ايچون هر نمازده سنّت اولماسى گركدر.

عموم إخوانلره سلام و بايراملريڭزى تبريك ايدييورم.

آخرت قارداشڭز

سعيد نورسى

* * *

___

(حاشيه): ايكنجى سؤال: صباح و آقشام نمازلرندن صوڭره سورۀِ حشرڭ صوڭنده (هُوَ اللّٰهُ الَّذٖى) دن باشلامق سنّت ايكن، (لَا يَسْتَوٖى) دن باشلانماسى أفضليتى ترك اولور مى؟