حالبوكه إنسانده، قلبدن باشقه عقل، روح، سرّ، نفس گبى موجود اولان لطائف و حاسّهلرى، كنديلرينه مخصوص وظائفه سَوق ايدهرك زنگين بر دائرهده، قلبڭ قومانداسى آلتنده ايفاىِ عبوديتى» توصيه بيورولويور. گونش گبى بويله حقيقتلرى إظهار ايدن بويله نورلى دستورلر طلبهلرنده أساس اولديغى ايچون، سالف العرض خواطره چاره آرايوردم.
طلبهلرينڭ هر آن إحتياجلرينى دوشونوب چارهلر آرايان، علاجلر حاضرلايان، إحضاراتنى زحمتسز اولارق طلبهلرينه إستعمال ايتديرن، مقابلنده هيچ بر شى ايستهميهرك منّت و مدحڭ جنابِ حقّه ياپيلماسنى أمر ايدن سَوْگيلى استادم! سزه أوّلدن بَرى «لقمان» نظريله باقمقدهيم. أوت حقيقةً بر لقمانسڭز. لقمان حكيم گبى، قلبى آرزولريمزى ايشيدهرك بو رسالهلر ايله معالجه اوزاتييورسڭز. بديع اولان جنابِ حقّڭ بدايعى ايچنده، كماليله هر جهتده درجۀِ نهايهيه واصل اولان بديع كلامندن، بديع بر قولى ايله إحسان ايتديگى بو بدايعى مدح ايدهبيلمك، إنطاقِ بِالحق اولمادقجه ألبته إمكانسزدر. بشر، بو واديده نه قدر سوز سويلهسه ينه آزدر.
سَوْگيلى استادم، هر هانگى بر رسالهيى آچوب اوقويهجق اولسهم، حصّهم قدر درسمى آلييورم. حالبوكه أوّلجه بو رسالهلرى متماديًا يازديغم ايچون، اوقومغه پك آز وقت بولابيلييوردم و الآن ده اويلهيم. أوّلجه اوقوديغم زمانلر إستفادهم آز اولويوردى. شيمدى ايسه، نورلرڭ حقيقتلرينى گوردكجه منّت و شكرم تزايد ايدييور، قلبم نورلر ايله طولويور، روحم نورلرله إستراحت ايدييور، لطائفم بو نورلر ايله حصّهلرى قدر فيضياب اولويور. و ينه جنابِ حقدن اُميد ايدييورم كه، حصّهم و إستفادهم، گون گچدكجه چوغالاجقدر و نصيبم آرتهجقدر.
بو حادثات گوسترييور كه، بديع آثارڭ بيوك بر خاصيتى و بر كرامتيدر كه، طلبهلرينى باشقه أللره ويرمييور و نورلانديرمق ايچون باشقه قپولره بوين