ايكنجيسى: عبوديتڭ إقتضا ايتديگى و بو نورلردن آلديغم درسلرڭ دلالت ايتديگى وجهله بتون قصورلرى، تكميل فنالقلرى نفسمدن و اييلكلرى، ايى شيلرى اللّٰهدن بيلييورم. نورلره و قرآنه خدمتى حسبى اولارق آرزو ايدييورم و نشرينه موفّق اولاماديغم ايچون مؤمنلر حسابنه چوق متأثّر اولويورم. بو حالمه ده شكرلر اولسون.
اوچنجى حال و حقيقى شخصيتم: بونى تعريف ايتمگه جدًّا حجاب طويارم. همان جنابِ اللّٰهدن ديلرم؛ بنى و بتون قارداشلريمزى نفس و جنّ و إنس و شيطانلرڭ مكرلرندن محافظه أيلهسين و ضلالته صاپانلردن أيلهمسين، آمين.
بنم قارداشلرم (حاشيه)؛ استاديمڭ قارداش و طلبهلرى اولان ذاتلر شبههسز برنجى و ايكنجى حالى روحلرنده حسّ ايدرلر. اويله ايسه بشرده بِالخاصّه مؤمنلردهكى حاسّهلرڭ إنكشافى تحديد ايديلهميهجگى ايچون توفيقِ خدا ايله بر كرّه بو يوله گيرنلر، نفس و شيطانلرينه بو عاجز، فقير و بيچاره قدر مغلوب اولميهجقلرى جهتله، ترقّى و إستفادهلرى ده او نسبتده زياده اولور. محترم استادم بو قصورلى طلبهسنه توجّهى؛ إنسانلره، مؤمنلره، مؤمنلرڭ بِالخاصّه بنم گبى محتاجلرينه درجۀِ شفقتنه و بنم إحتياجمڭ أڭ چوق اولديغنه دليل و مثالدر.
خلاصه: بڭا لياقتمڭ چوق فوقنده حسنِ ظن ايدن و توجّه گوسترن عزيز و محترم و متواضع صبرى قارداش! بيل كه چوق گناهكار، چوق عاجز، فقير، مفلس، اُمّتِ محمّددن (عصم) بر عبدم. دعالريڭزه چوق محتاجم. عجز و فقر عرضحالنى قبول ايتديرهرك خزينۀِ خاصّۀِ قرآندن عالمه مختلف نام و طرز و شكللرده جوهرلر تشهيرينه موفّق اولان دلاّلِ قرآنڭ قدسى خدمتنده كنديسنه يارديم أڭ بيوك
___
(حاشيه): صبرى گبى طلبهلره خطاب ايدييور.