٤- طبيعت؛ مثالى بر مطبعهدر، طابع دگل. نقشدر، نقّاش دگل. مسطردر، مصدر دگل. نظامدر، ناظم دگل. قانوندر، قدرت دگل. شريعتِ إراديهدر، حقيقتِ خارجيه دگل.
٥- ثابت، دائم، فطرى قانونلر گبى؛ روح دخى عالمِ أمردن، صفتِ إرادهدن گلمش و قدرت اوڭا وجودِ حسّى گيديرمشدر. و بر سيّالۀِ لطيفهيى او جوهره صدف ايتمشدر.
و هكذا بيڭلرجه وجيزهلر وار.
اَلْبَاقِى هُوَ الْبَاقِى
اونورسيته نور طلبهلرندن
مصطفى حلمى
* * *
(آنقره اونورسيتهسى نور طلبهلرينڭ بر مكتوبى)
عزيز صدّيق قارداشلريمز!
مكتوبڭزدن، إسلام گونشنڭ بر ضياسنى سزهر گبى اولدق. يوزلرجه سنهدن بَرى إنسانيت عليهنه، إسلاميت ضررينه متجاوز فكر نشر ايدن أهلِ كفرڭ تخريبلرينى تعمير ايچون اورتهيه آتيلان رسالۀِ نورڭ (سزلرڭ مكتوبڭزدن) گنجلرڭ آراسنه ياييلديغنى سزدك. أبدى حيات يولنڭ حقپرست يولجيلرى، خيالى بوش لافلرى ترك ايدوب، رسالۀِ نورله كفر تخملرينى أريتهجكلردر. نورڭ طلبهلرى، أهلِ قلب و ايمانڭ حقيقى قارداشلريدرلر. سز قارداشلريمزڭ مكتوبلرى، بزلره خيز ويرييور و ويرهجك. قرآنڭ تفسيرى اولان رسالۀِ نور، بزه ضلالتده قالمانڭ و كفرله مجادله