طوپوزينى أهلِ كفر و منكِرلرڭ باشنه ووروب: «يا عقلڭى باشڭدن چيقار آت، حيوان اول. ياخود ده عقلڭى باشڭه آل، إنسان اول.» دييور.
علم بر نور اولديغنه گوره، رسالۀِ نورڭ علمه اولان أڭ درين وقوفنى گوسترهجك بر ايكى دليله قيصهجه إشارت ايدرز:
أوّلا: شونى خاطرلاملىيز كه؛ رسالۀِ نور باشقه كتابلرى دگل، يالڭز قرآنِ كريمى استاد اولارق طانيماسى و اوڭا خدمت ايتمهسى إعتباريله مقبوليتى حقّنده بزم بو موضوعده سوز سويلهمهمزه حاجت بيراقمييور. بز آنجق علم أربابى نظرنده، رسالۀِ نورڭ دگرينى بليرتمك ايچون ديرز كه:
رسالۀِ نور شيمدىيه قدر هيچ بر علم آدمنڭ تام بر وضوح ايله إثبات ايدهمديگى أڭ مغلق مسئلهلرى، غايت قولاى بر شكلده أڭ بسيط عوام طبقهسندن طوت ده أڭ يوكسك خواص طبقهسنه قدر هركسڭ إستعدادى نسبتنده آڭلايهبيلهجگى بر طرزده شبههسز تام إقناع ايديجى بر شكلده ايضاح و إثبات ايتمهسيدر. بو خصوصيت، همان همان هيچ بر علم آدمنڭ أثرنده يوقدر.
ايكنجيسى: بتون نور أثرلرى؛ قرآنِ كريمڭ بر قسم آيتلرينڭ تفسيرى اولوب اونڭ معنوى پاريلتيلرى اولديغنى هر خصوصده گوسترمسيدر.
اوچنجيسى: إنسانلرڭ أڭ درين إحتياجلرينه قطعى دليل و برهانلرله علمى ماهيتده جواب ويرمهسيدر. مثلا: اللّٰهڭ وارلغى، آخرت و سائر ايمان ركنلرينى، بر ذرّهنڭ لسانِ حال و قال صورتنده ترجمانلغنى ياپارق إثبات ايتمهسيدر. أڭ مشهور إسلام فيلسوفلرندن ابن سينا، فارابى، ابن رشد بو مسئلهلرده بتون موجوداتى دليل اولارق گوستردكلرى حالده، رسالۀِ نور او حقيقتلرى بر ذرّه و بر چكردك لسانيله إثبات ايدييور. أگر رسالۀِ نورڭ علمى قدرتنى شيمدى اونلره